ТОШКЕНТ ИСЛОМ ИНСТИТУТИДА ЎҚУВ-МАШҒУЛОТ БОШЛАНДИ
2015 йил 9-12 ноябрь кунлари Тошкент ислом институтида Қорақалпоғистон Республикаси, Тошкент шаҳар ва вилоятлар бош имом-хатибларининг хотин-қизлар масалалари бўйича ёрдамчиларининг ўқув-машғулотлари бўлиб ўтади.
Ўқув-машғулот давомида мазкур ёрдамчилар “Ислом динидаги мазҳаблар, фирқалар ва оқимлар”, “Ҳанафийлик мазҳабининг мўътадиллиги”, “Хотин-қизлар ва ёшлар ўртасидаги ижтимоий иллатлар ва уларни олдини олиш чоралари”, “Мутаассиб оқимлар томонидан илгари сурилаётган сохта ақидавий қарашлар”, “Жамиятда ҳамда оилада аёлларнинг ҳуқуқ ва бурчлари” каби мавзулардаги маърузаларни тинглайдилар.
Ўқув-машғулотдан мақсад мазкур ёрдамчиларнинг билим ва малакаларини ошириш, улар орқали жойлардаги аёл-қизларнинг диний-маърифий онгини ривожлантириш.