Мулла Қирғиз ўрта махсус ислом билим юртида учрашув
Жорий йилнинг 19 ноябрь куни Ўзбекистон мусулмонлари идораси тасарруфидаги Мулла Қирғиз ўрта махсус ислом билим юртига Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита раиси О.Юсупов, Ўзбекистон Республикаси Президенти Девони ходими М.Жалилов ва Ўзбекистон мусулмонлари идораси раиси, муфтий У.Алимов ҳазратлари ташриф буюрдилар.
Ташриф чоғида меҳмонлар билан билим юрти ўқитувчи ва талабалари иштирокида “Тинчлик осойишталик энг олий неъмат” мавзусида учрашув бўлиб ўтди.
Учрашувни ЎМИнинг Наманган вилояти вакили, билим юрти маънавий ва маърифий масалалар бўйича мудир ўринбосари Абдулҳай Турсунов олиб борди.
Учрашувда сўз олган Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита раиси О.Юсупов, Ўзбекистон мусулмонлари идораси раиси, муфтий У.Алимов ҳазратлари тинчлик осойишталик неъмати, мустақилликдан сўнг Республика раҳбарияти томонидан ёшлар учун яратилаётган шароитлар, Ўзбекистон мусулмонлари идораси томонидан диний ташкилотлар ҳамда ислом билим юртларига берилаётган эътибор, яратилаётган шароитлар ҳақида сўз юритдилар.
Ташриф якунида меҳмонлар билим юрти талабалар турар жойида талабаларга яратилган шароитлар билан яқиндан танишдилар. Учрашув ҳамжиҳатлик ва бирдамлик руҳида якунланди.