Муфтий Абдулқуддус Ашарин бошчилигидаги меҳмонлар Имом Бухорий номли Тошкент ислом институтига ташриф буюрдилар
Жорий йилнинг 13 ноябрь куни Россия Федерациясининг Свердловск вилояти мусулмонлари идораси раиси, муфтий Абдулқуддус Ашарин бошчилигидаги меҳмонлар Имом Бухорий номли Тошкент ислом институтига ташриф буюрдилар.
Ташриф чоғида меҳмонлар институт ҳаёти билан яқиндан танишдилар. Жумладан, институтнинг ўқув жараёни, ахборот ресурс маркази, ётоқхона ва ўқув хоналарида талабаларга яратилган шарт-шароитларни катта қизиқиш билан ўргандилар.
Меҳмонлар дарс жараёнини бевосита кузатиб, ўз фикр-мулоҳазаларини билдириб ўтдилар.
Танишув жараёнида меҳмонлар талабалар билан очиқ мулоқот олиб бордилар. Талабалар берилган саволларга рус, инглиз, араб тилларида берган жавоблари меҳмонларда катта қизиқиш ўйғотди.
Ташриф сўнгида талабалар томонидан Қуръони карим тиловати қилинди.
