Анонс. "Ҳидоят сари" кўрсатуви
Атрофимизда рўй бераётган табиат ва манзараларнинг янгиланиб,яшнаб, ўзгариб туриши Аллоҳ таолони танитувчи, улуғ Зот томонидан берилган неъматларни қадрига етиб, шукронасини қилишга ундагувчи далиллар деб айтсак асло хато бўлмайди.
"Ўзбекистон" телеканалида эфирга узатилиб бориладиган диний-маърифий йўналишдаги "Ҳидоят сари" кўрсатувининг 18 март (Жума) кунидаги сони ҳам "Янгиланиш ва яшариш айёми" мавзусига бағишланади. Кўрсатувда бошловчи - Тошкент шаҳар бош имом-хатиби Анвар қори Турсунов ҳамда Тошкент шаҳридаги "Хўжа Аламбардор" жоме масжиди имом-хатиби Раҳимберди Раҳмонов, "Исломобод" жоме масжиди имом-хатиби Абдуллоҳ Йўлдошев, "Оқилон" жоме масжиди имом-хатиби Исомиддин Аҳроров ва Тошкент вилоятидаги "Нурул ислом" жоме масжиди имом-хатиби Исҳоқов Оқилжонлар динимизда поклик ва ободлик, кўчат экиб, боғ яратишнинг юксак ажру-мукофотлари ҳақидаги мавзуга доир маърузалари билан иштирок этадилар.
Кўрсатув 18.03.2016й. (Жума) куни соат 18:55 ҳамда такроран 21.03.2016й. (Душанба) куни соат 14:15 да "Ўзбекистон" телеканлида эфирга узатилади. Кўрсатувни ўтказиб юборманг.