ЯНГИ ХОДИМЛАР БИЛАН УЧРАШУВ
2015 йил 27 июль куни Ўзбекистон мусулмонлари идораси Самарқанд вилоят вакиллигида яқинда имом-хатиб ва ноиб-имом вазифасига тайинланган 35 нафар ходимлар билан учрашув бўлиб ўтди деб, хабар беради www.muslim.uz
Йиғилишда вилоят бош имом-хатиби Нуриддинхон Исламов сўзга чиқиб, имомликнинг фазилати, меҳроб Пайғамбаримиз Муҳаммад мустафо саллолоҳу алайҳи ва салламдан қолган мерос экани, бу меросга муносиб ворис бўлишга интилиш, ҳаракат қилиш лозимлигини айтиб ўтди. Ҳамда масжидларни тоза-озода тутиш, ободончилик, бунёдкорлик ишларини муттасил амалга ошириб бориш кераклигини таъкидлади.
Шунингдек, йиғилишда диний таълим муассасаларини яқинда тугатган ёш ходимлар ҳам иштирок этдилар. Вилоят бош имом-хатиби ўз нутқида, ёш имом-хатиб ва имом-ноибларга алоҳида урғу бериб, улар бизнинг келажагимиз эканини, улар билан илм ва тажриба алмашиб, янги меҳроб меросхўрларини доимо қўллаб-қувватлаш зарурлигини айтди.
