Суриялик болакайлар Ливандаги мактабларга қатнайди
180 мингдан зиёд сурияликлар болалар ҳозирда Ливан ҳудудида ва улар мактабга чиқишлари, таълим олишлари керак. Бу ҳақида ЮНИСЕФ хабар берди.
Халқаро болалар ташкилоти хабарига кўра, ҳозирда 187 минг бола таълимдан узилиб қолган. “Айни пайтда минглаб болалар, жумладан мактаб ёшига етмаганлар ҳам, заводларда, қишлоқ хўжалиги ва кўчаларда ишлашга мажбур бўлмоқда”, дейилади ЮНИСЕФ маърузасида.
“Суриялик болалар камбағаллик, ижтимоий изоляция ва тил борасидаги муаммолар сабаб, таълим олишда бебахра. Натижада, ҳақ-ҳуқуқлардан маҳрум, эрта никоҳ ва оғир меҳнат балоларига маҳкум бутун бир бошли авлод шаклланмоқда”, дейди ЮНИСЕФнинг Ливандаги вакили Таня Чаписат. Қайд этиш керакки, ҳозирда Ливанда 1,2 миллионга яқин суриялик қочоқ истиқомат қилмоқда.
Islam-today