Suriyalik bolakaylar Livandagi maktablarga qatnaydi
180 mingdan ziyod suriyaliklar bolalar hozirda Livan hududida va ular maktabga chiqishlari, ta’lim olishlari kerak. Bu haqida YuNISEF xabar berdi.
Xalqaro bolalar tashkiloti xabariga ko‘ra, hozirda 187 ming bola ta’limdan uzilib qolgan. “Ayni paytda minglab bolalar, jumladan maktab yoshiga yetmaganlar ham, zavodlarda, qishloq xo‘jaligi va ko‘chalarda ishlashga majbur bo‘lmoqda”, deyiladi YuNISEF ma’ruzasida.
“Suriyalik bolalar kambag‘allik, ijtimoiy izolyatsiya va til borasidagi muammolar sabab, ta’lim olishda bebaxra. Natijada, haq-huquqlardan mahrum, erta nikoh va og‘ir mehnat balolariga mahkum butun bir boshli avlod shakllanmoqda”, deydi YuNISEFning Livandagi vakili Tanya Chapisat. Qayd etish kerakki, hozirda Livanda 1,2 millionga yaqin suriyalik qochoq istiqomat qilmoqda.
Islam-today