Сомалида икки кунда 100 дан ортиқ одам очликдан ҳалок бўлди
5.3.2017 3769
Сўнги 48 соат ичида Сомалининг қурғоқчилик давом этаётган минтақасида 110 нафар одам очликдан ҳалок бўлди, деб маълумот берди мамлакат Бош вазири Ҳасан Али Хайре.
Ассошиэйтед Пресс агентлгининг хабар беришича, ҳукумат илк бор қурбонлар ҳақида маълумот бериб, бу ҳолатни “миллий фожиа” деб баҳолаган. Бош вазир фақатгина мамлакат жануби-ғарбидаги Бай минтақаси ҳақидаги рақамларни ошкор қилган холос.
БМТнинг маълумотларига кўра, айни кез Сомалида 5 миллионга яқин одам очлик ва муҳтожликдан азият чекмоқда.
