Пикассо ва Матисс асарлари ўрнига мусулмон рассомлар картиналари қўйилди
10.2.2017 3633
Нью-Йоркдаги замонавий санъат музейидан Пабло Пикассо ва Анри Матисс картиналари олиб ташланди. Уларнинг ўрнига мусулмон рассомлар мўйқаламига мансуб асарлар илиб қўйилди. Музей маъмурияти Трампнинг мусулмонларга қарши қонунига норозилик сифатида ана шундай ишга қўл урди.
"Музей учун, шу жумладан, АҚШ учун ҳам меҳмондўстлик ва эркинлик ғоялари жуда муҳим. Мазкур норозилик акция ушбу ғояларни акс эттиради", – дейилади музей сайтида.
Эслатиб ўтамиз, Трампнинг антимиграцион қонунидаги “қора” рўйҳатга 7 давлат кирди. Булар Сурия, Ироқ, Эрон, Ливия, Яман, Судан ва Сомали.
