Pikasso va Matiss asarlari o‘rniga musulmon rassomlar kartinalari qo‘yildi
Nyu-Yorkdagi zamonaviy san’at muzeyidan Pablo Pikasso va Anri Matiss kartinalari olib tashlandi. Ularning o‘rniga musulmon rassomlar mo‘yqalamiga mansub asarlar ilib qo‘yildi. Muzey ma’muriyati Trampning musulmonlarga qarshi qonuniga norozilik sifatida ana shunday ishga qo‘l urdi.
"Muzey uchun, shu jumladan, AQSh uchun ham mehmondo‘stlik va erkinlik g‘oyalari juda muhim. Mazkur norozilik aksiya ushbu g‘oyalarni aks ettiradi", – deyiladi muzey saytida.
Eslatib o‘tamiz, Trampning antimigratsion qonunidagi “qora” ro‘yhatga 7 davlat kirdi. Bular Suriya, Iroq, Eron, Liviya, Yaman, Sudan va Somali.