Мадинада қадимий масжидлар қайта таъмирланади
Ислом оламида Маккаи мукаррамадан сўнг иккинчи муқаддас шаҳар Мадинада яқин кунларда жами тарихий масжидларда қайта қуриш ишлари олиб борилади. Реконструкция режаси Саудия Арабистони қироли Салмон ибн Абдулазиз томонидан маъқулланган. Шуни таъкидлаш лозимки, Мадина шаҳридаги масжидларни қайта таъмирдан чиқазиш қиролликдаги барча масжидларни тиклаш дастурининг бир қисмидир.
Ушбу дастурга мувофиқ, мамлакатдаги юздан ортиқ мусулмон ибодатхоналари қайта таъмирланади. Ушбу қайта таъмирлаш ишларига мамлакатнинг ҳар бир фуқароси ўз ҳиссасини қўшиши мумкин. Бунинг учун Саудия Арабистони қироллиги ҳокимияти махсус хайрия фондини ташкил этган.
“Биздаги маълумотларга кўра, бугун Саудия Арабистони ҳудудидаги ҳароба масжидлар мингдан ортиқни ташкил этади. Бизнингча, бу мақбул ҳолат эмас”, деб таъкидлайди Саудиянинг Туризм ва миллий мерос масалалари бўйича комиссияси президенти шаҳзода Султон бин Салмон.
Манба: www.ziyo.uz
