Криштиану Роналду суриялик болалар ҳақида нима деди?

   Португалия миллий терма жамоаси ва Мадриднинг “Реал” футбол клуби аъзоси Криштиану Роналдунинг Суриялик болаларга йўллаган видеомурожаати интернетда жуда катта шов-шув кўтарди.
     Турли ижтимоий тармоқларда мазкур видеони 15 миллион интернет-фойдаланувчиси томоша қилган ва 2 миллион одам “лайк” (“ёқди”) тугмасини босган. Эслатиб ўтамиз, машҳур футболчи урушда жабр чеккан Ҳалаб ва суриялик бошқа болаларга тиббий ва психологик ёрдам кўрсатиш бўйича дастурга қўшилган эди.
    Роналду “Болаларни қутқарамиз” дастури учун тайёрланган видеомурожаатда суриялик болакайларни ҳақиқий қаҳрамонлар, деб атади. “Биз биламиз, сизлар қаттиқ жабр кўраяпсизлар. Мен—машҳур футболчиман, аммо айнан сиз ҳақиқий қаҳрамонсиз! Ишонишдан тўхтаманг. Бутун дунё сиз билан. Ёдимиздасиз ва сиз ҳақингизда қайғурамиз. Мен сизлар билан”, дейди Криштиану Роналду.