Krishtianu Ronaldu suriyalik bolalar haqida nima dedi?

   Portugaliya milliy terma jamoasi va Madridning “Real” futbol klubi a’zosi Krishtianu Ronalduning Suriyalik bolalarga yo‘llagan videomurojaati internetda juda katta shov-shuv ko‘tardi.
     Turli ijtimoiy tarmoqlarda mazkur videoni 15 million internet-foydalanuvchisi tomosha qilgan va 2 million odam “layk” (“yoqdi”) tugmasini bosgan. Eslatib o‘tamiz, mashhur futbolchi urushda jabr chekkan Halab va suriyalik boshqa bolalarga tibbiy va psixologik yordam ko‘rsatish bo‘yicha dasturga qo‘shilgan edi.
    Ronaldu “Bolalarni qutqaramiz” dasturi uchun tayyorlangan videomurojaatda suriyalik bolakaylarni haqiqiy qahramonlar, deb atadi. “Biz bilamiz, sizlar qattiq jabr ko‘rayapsizlar. Men—mashhur futbolchiman, ammo aynan siz haqiqiy qahramonsiz! Ishonishdan to‘xtamang. Butun dunyo siz bilan. Yodimizdasiz va siz haqingizda qayg‘uramiz. Men sizlar bilan”, deydi Krishtianu Ronaldu.