Ҳожилар учун яна бир қулайлик
Ҳар йили ҳаж мавсумида зиёратчиларнинг Маккадаги турар жойлари, Мино ва Арофотдаги махсус турар жойлари (палатка)ни йўқотиб қўйишлари билан боғлиқ муаммолар юзага келади. Покистонлик ҳаж кўнгиллилари гуруҳи ҳамда "Ҳиндистон биродарлик форуми" томонидан ишлаб чиқилган янги махсус мобил илова бу каби муаммоларни ҳал этишга ёрдам беради.
Android тизимида ишловчи Mina Locator дастури нафақат зиёратчилар, балки хизматчилар, тўғридан-тўғри зиёратчиларга хизмат кўрсатувчилар учун ҳам фойдалидир. Дастур Минодаги темир йўл бекатлари, масжидлар, шифохон ва бошқа муҳим жойлар ўртасидаги йўналишларни топишни осонлаштиради.
Ташкилот 2017 йилда илованинг iPhone фойдаланувчилари учун ҳам русумини ишлаб чиқишни режалаштирган.
Манба: www.vakillik.uz
