Голландияда мусулмонларни қўллаб-қувватловчи йирик акция ўтказилди
7.3.2017 2766
Голландия фуқаролари мамлакатдаги исламофобияга норозилик намойиши сифатида, мусулмонларни қўллаб-қувватлаб, кўчаларга чиқишди. Амстердамдаги марказий масжидда ўтказилган акцияда 200 нафардан зиёд одам иштирок этди.
“Бизнинг овозимиз эшитилиши муҳим аҳамиятга эга. Мусулмонлар жамияти мамлакатга ҳеч қандай хавф туғдирмайди”, - дейди митинг ташкилотчиларидан бири Нажим Уладали.
Митингда Нидерландия парламенти депутати Герт Вилдерснинг исламофобия сиёсати муҳокама қилинган. “Голландиялик Трамп” номини олган Вилдерс ўз партияси манифестига Қуръон китоби савдосини тақиқлаш, масжид ва мадрасаларни ёпиш ва мамлакатга мусулмон-мигрантларни киритмаслик ҳақидаги бандларни киритган.
Islam.ru
