Gollandiyada musulmonlarni qo‘llab-quvvatlovchi yirik aksiya o‘tkazildi
Gollandiya fuqarolari mamlakatdagi islamofobiyaga norozilik namoyishi sifatida, musulmonlarni qo‘llab-quvvatlab, ko‘chalarga chiqishdi. Amsterdamdagi markaziy masjidda o‘tkazilgan aksiyada 200 nafardan ziyod odam ishtirok etdi.
“Bizning ovozimiz eshitilishi muhim ahamiyatga ega. Musulmonlar jamiyati mamlakatga hech qanday xavf tug‘dirmaydi”, - deydi miting tashkilotchilaridan biri Najim Uladali.
Mitingda Niderlandiya parlamenti deputati Gert Vildersning islamofobiya siyosati muhokama qilingan. “Gollandiyalik Tramp” nomini olgan Vilders o‘z partiyasi manifestiga Qur’on kitobi savdosini taqiqlash, masjid va madrasalarni yopish va mamlakatga musulmon-migrantlarni kiritmaslik haqidagi bandlarni kiritgan.
Islam.ru