Германиядаги исламафобия салмоғи аниқланди
2017 йил давомида Германиядаги масжидлар ва мусулмонларга жами 950дан ортиқ ҳужумлар уюштирилган. Бу ҳақида мамлакатнинг Ички Ишлар Вазирлиги хабар беради.
Ўтган йил давомида уюштирилган ҳужумлар оқибатида 33 нафар шахс жабрланган. Масжид ва исломий марказларга қилинган ҳужумлар ва бузғунчилкларнинг 60 таси ҳукумат идоралари томонидан тафтиш қилинган.
Шу ўринда таъкидлаш зарурки, Немис мусулмонлари Марказий Кенгаши раиси Айман Мазьекнинг сўзларига кўра, мазкур статистика асл воқеъликни кўрсатиб бера олмайди. Чунки, кўп ҳолларда ҳужумлардан азият чеккан мусулмонлар ҳуқуқни ҳимоя қилиш идораларига мурожаат қилмайдилар.
Эслатиб ўтамиз, ҳозирда Германида 4.7 млн. мусулмон истиқомат қилади. Бу аҳолининг 5%ини ташкил қилади.