Бугун Саудия Арабистони Қироллиги илк ҳожиларни қабул қилади
Бу йилги Ҳаж ибодати учун ташриф буюрувчи илк зиёратчилар Саудия Арабистонига бугун – Зулқаъда ойининг биринчи кунида етиб кела бошлайдилар. Хабар қилинишича, халқаро аэропортларда барча тайёргарлик ишлари якунланган.
Эслатиб ўтамиз, ҳисоб-китобларга кўра, ушбу Ҳаж мавсумида қироллик аэропортлари қарийб бир ярим миллион зиёратчиларни қабул қилади. Аэропортларга ҳар соатда ўртача 13 та самолёт қўниши режалаштирилмоқда. Бир кунда уларнинг сони 300 тага етади.
Саудия Арабистонига биринчи бўлиб Ҳиндистон ҳожилари ташриф буюрадилар. Уларнинг сони жорий Ҳаж мавсумида 136 минг кишидан ошмайди.
www.islam-today.ru сайти асосида Хуршида Абдуллаева тайёрлади