Bugun Saudiya Arabistoni Qirolligi ilk hojilarni qabul qiladi
Bu yilgi Haj ibodati uchun tashrif buyuruvchi ilk ziyoratchilar Saudiya Arabistoniga bugun – Zulqa’da oyining birinchi kunida yetib kela boshlaydilar. Xabar qilinishicha, xalqaro aeroportlarda barcha tayyorgarlik ishlari yakunlangan.
Eslatib o‘tamiz, hisob-kitoblarga ko‘ra, ushbu Haj mavsumida qirollik aeroportlari qariyb bir yarim million ziyoratchilarni qabul qiladi. Aeroportlarga har soatda o‘rtacha 13 ta samolyot qo‘nishi rejalashtirilmoqda. Bir kunda ularning soni 300 taga yetadi.
Saudiya Arabistoniga birinchi bo‘lib Hindiston hojilari tashrif buyuradilar. Ularning soni joriy Haj mavsumida 136 ming kishidan oshmaydi.
www.islam-today.ru sayti asosida Xurshida Abdullayeva tayyorladi