Азонга ҳурматсизлик қилган диджей жазоланди
8.4.2017 4487
Британиялик диджей Dax J умрининг 1 йилини қамоқда ўтказадиган бўлди. Сабаби шундаки, у Тунисдаги тунги клубларнинг биридаги ўз мусиқий чиқишида азоннинг ремиксини қўйган. Унинг бу ҳатти-ҳаракати кўпгина мунозарага сабаб бўлди. Диджейнинг ўзи эса бу билан ҳеч кимни ҳақорат қилиш нияти йўқлигини айтган.
Апрелнинг бошида содир бўлган ушбу воқеа, яъни азоннинг ремикс варианти ижтимоий тармоқларга чиқиб кетгач, Хаммамет курорт шаҳридаги клуб ёпиб қўйилган.
Гробалия шаҳар суди мазкур ҳолат юзасидан ўз ҳукмини эълон қилди. Унга кўра, 2 та жиноий ҳолат (андишасиз ҳатти-ҳаракати ва жамоатчилик аҳлоқини ҳақоратлагани) юзасидан диджейга 6 ойлик қамоқ жазоси тайинланди.
Islam-today
