Azonga hurmatsizlik qilgan didjey jazolandi
8.4.2017 4513
Britaniyalik didjey Dax J umrining 1 yilini qamoqda o‘tkazadigan bo‘ldi. Sababi shundaki, u Tunisdagi tungi klublarning biridagi o‘z musiqiy chiqishida azonning remiksini qo‘ygan. Uning bu hatti-harakati ko‘pgina munozaraga sabab bo‘ldi. Didjeyning o‘zi esa bu bilan hech kimni haqorat qilish niyati yo‘qligini aytgan.
Aprelning boshida sodir bo‘lgan ushbu voqea, ya’ni azonning remiks varianti ijtimoiy tarmoqlarga chiqib ketgach, Xammamet kurort shahridagi klub yopib qo‘yilgan.
Grobaliya shahar sudi mazkur holat yuzasidan o‘z hukmini e’lon qildi. Unga ko‘ra, 2 ta jinoiy holat (andishasiz hatti-harakati va jamoatchilik ahloqini haqoratlagani) yuzasidan didjeyga 6 oylik qamoq jazosi tayinlandi.
Islam-today
