АҚШлик мусулмонлар яҳудийларга тегишли объектларни қўриқлашга кўмак бераяпти
АҚШда истиқомат қилувчи мусулмонлар яҳудийларга уларга тегишли объектларни қўриқлаш учун ўз ёрдамларини таклиф қилишди. Маълумки, яқинда номаълум безорилар яҳудийлар қабристонида бир неча қабрларни вайрон қилишган эди.
Ҳуқуқни муҳофаза қилиш органлари маълумотларига кўра, сўнгги икки ой мобайнида АҚШнинг бир неча штатларида ва Канаданинг битта провинциясида қарийб 20 марта яҳудийларга тегишли биноларга бомба ўрнатилгани ҳақида ёлғон маълумот тарқатилган.
Шу сабаб АҚШ мусулмонлар жамияти аъзолари, шунингдек, Ироқ ва Афғонистон уруши фахрийлари яҳудийлар синагоглари, маданий марказлари, мактаблар ва қабристонларни қўриқлашга ёрдам беришни таклиф этишмоқда.
Эслатиб ўтамиз, АҚШлик мусулмонлар таҳқирланган яҳудийлар қабристонини тиклаш учун 150 минг доллар йиғиб беришган эди. Яҳудийлар ҳам, ўз навбатида, Флорида штатида ёниб кетган масжидни тиклаш учун 60 минг доллар ажратишди.
Islam-today