Саудия Арабистонда илк бора араб филми намойиш этилади
Саудия Арабистонда кинотеатрлар очилиши рухсат берилгандан сўнг, илк маротаба араб филми намойиш этилади. Бу филм келаси пайшанба куни экранларда намойиш қилинади.
"Bedle" («Униформа») филмидаги бош ролни Мисрлик актёр Тамир Хусни ижро этган.
Ижтимоий тармоқдаги ўз аккаунтида актёр, ушбу филмнинг август ойининг сўнгги ҳафтасида Миср ва айрим араб давлатлари экранларига, 20 сентябр куни эса Саудия Арабистонида намойиш қилиниши хақида хабар қилди.
Саудия Арабистони ахборот ва маданият вазирлиги 2017 йилда қилган баёнотида кинотеатрларни очиш учун лицензиялар беришни эълон қилган ва биринчи кино 2018 йилнинг март ойида намойиш этилиши хақида қайд этиб ўтган эди.
Саудия Арабистони кинотеатрларида биринчи марта намойиш этилган кинофилм - бу Американинг "Қора пантера" филми эди. Филмнинг премераси диний сабабларга кўра филмларни оммавий намойиш қилиш тақиқланганидан кейин, 2017 йилда қурилган янги кинотеатрда бўлиб ўтган эди. Биринчи кино намойишига 600 киши ташриф буюрди, жумладан улар орасида - малика Рима бинт Бандар ва Маданият вазири Аввад Алавад бўлишган.
