45 ёшгача бўлган аёлларга ёлғиз ҳаж қилиш тақиқланади
Саудия Арбистони ҳукуматининг янги қоидаси бўйича 45 ёшгача бўлган муслима аёллар энди ёлғиз ҳаж сафарига келиши тақиқланади. Унга албатта йўлдош (эр, ака, ота, тоға) талаб қилинади.
Мазкур янги тартиб зиёратчиларнинг қисқаришига сабаб бўлиши мумкинлиги айтилмоқда. Айниқса, бу Баҳрайн ҳукуматини ташвишга солмоқда. Маълум бўлишича, сўнгги 9 ой мобайнида мазкур мамлакатдан Макка ва Саудия Арабистонининг бошқа муқаддас жойларига ташриф буюрувчилар сони кескин камайган.
"Кўпчилик аёллар ҳаж зиёратини амалга ошириш учун гуруҳ бўлиб келади. Уларнинг кўпчилиги 45 ёшдан кичик. Бу ибодатни амалга оширишдаги ҳамроҳ бўлиши шартлиги талаби аёл зиёратчилар сонининг кескин пасайиб кетишига олиб келиши мумкин. Бунинг устига Бахрайнлик барча ташриф буюрувчиларнинг 30 фоизини 45 ёшдан кичик аёллар ташкил этади", – дейди Al Asaad туристик компанияси бошлиғи Саид Жавад.
Манба: www.islam.ru