14 ёшли мусулмон Британиядаги университетда математикадан дарс бераяпти
14 ёшли ноёб иқтидор эгаси, математик билимлар соҳиби Йаша Эсли Лейчестер шаҳри университети ўқитувчиси даражасини қўлга киритди.
Қайд этиш керакки, вундеркинд олий ўқув юрти ўқитувчилиги учун рақобатда бир неча катта ёшли педагогларни ортда қолдиришга эришди. Ҳозирда у талабалар учун мўлжалланган математика бўйича семинарларда қатнашмоқда ва сабоқ бермоқда.
“Университетга бориш ва талабаларга ёрам беришни яхши кўраман. Бу ҳаётимдаги энг ёрқин йиллар. Энди ҳеч қандай мактаб формаси йўқ!», - деб қувонди асли келиб чиқиши эронлик бўлган ёш даҳо.
Айтиш жоизки, ёш мусулмон йигитчанинг математика бўйича юксак салоҳияти болалигиданоқ намоён бўлган. 2014 йили, 11 ёшида Британия университетига қабул қилинган. У саккиз ёшида ўрта мактаб ўқувчилари ўртасида ўтказилган математика фани бўйича имтихонда 100 баллдан 100 балл йиққан дунёдаги илк болакайдир.
Ҳозирда у университетнинг сўнгги курсида ўқимоқда ва докторлик диссертациясини ҳимоя қилишни режалаштираяпти
Islam-today