14 yoshli musulmon Britaniyadagi universitetda matematikadan dars berayapti
14 yoshli noyob iqtidor egasi, matematik bilimlar sohibi Yasha Esli Leychester shahri universiteti o‘qituvchisi darajasini qo‘lga kiritdi.
Qayd etish kerakki, vunderkind oliy o‘quv yurti o‘qituvchiligi uchun raqobatda bir necha katta yoshli pedagoglarni ortda qoldirishga erishdi. Hozirda u talabalar uchun mo‘ljallangan matematika bo‘yicha seminarlarda qatnashmoqda va saboq bermoqda.
“Universitetga borish va talabalarga yoram berishni yaxshi ko‘raman. Bu hayotimdagi eng yorqin yillar. Endi hech qanday maktab formasi yo‘q!», - deb quvondi asli kelib chiqishi eronlik bo‘lgan yosh daho.
Aytish joizki, yosh musulmon yigitchaning matematika bo‘yicha yuksak salohiyati bolaligidanoq namoyon bo‘lgan. 2014 yili, 11 yoshida Britaniya universitetiga qabul qilingan. U sakkiz yoshida o‘rta maktab o‘quvchilari o‘rtasida o‘tkazilgan matematika fani bo‘yicha imtixonda 100 balldan 100 ball yiqqan dunyodagi ilk bolakaydir.
Hozirda u universitetning so‘nggi kursida o‘qimoqda va doktorlik dissertatsiyasini himoya qilishni rejalashtirayapti
Islam-today
