Инсоният Ерни таҳликага солмоқда

     Бир гуруҳ ислом олами олимлари инсониятнинг ўзи яшаб турган Заминга кўрсатаётган салбий таъсиридан хавотир билдиришиб, атроф-муҳитни ҳимоя қилиш барчанинг, айниқса, молиявий имконияти юқори бўлган одамларнинг зиммасига катта масъулият юклашини айтишмоқда. Уларнинг фикрича, глобал иқлим ўзгаришларида ҳам инсон омили бирламчи: “Бизга Яратган беқиёс табиий бойликларни берди ва уларнинг барчаси биз учун, роҳат-фароғатимиз учун. Бироқ биз уларни шундай исроф қилаяпмизки, ҳатто иқлим ўзгаришларига сабаб бўлаяпти..”
     Ислом оламининг энг кўзга кўринган олимларининг мулоҳазалари Иқлим ўзгаришлари бўйича декларация лойиҳасига киритилган. Лойиҳа жорий йилнинг август ойида Истамбулда ўтказиладиган йирик ислом симпозумида эълон қилиниши режалаштирилган.
     Декларацияда Бутун олам ҳукмдори дунёни мувозанати билан яратгани, инсонлар иқлим ўзгаришларига катта таъсир ўтказаётгани, шунингдек, атрофимизни ўраб турган табиатда кузатилаётган салбий ҳолатлар, ўрмонларнинг кесилиши, чўлланиш, биологик хилма-хилликнинг камайиши, океанларнинг ифлосланиши ва бошқа сув билан боғлиқ муаммоларга ҳам инсон омили сабаб экани битилган.


Муслим Мирзажонов тайёрлади