ИҲТ “ИШИД”НИ ҚОРАЛАДИ
Ислом ҳамкорлик ташкилоти (ИҲТ) Бош котиби Ияд бин Амин Маданий, террорчилар томонидан Сурия ва Ироқдаги тарихий обидалар, жумладан, Суриядаги Баъл Шамийн ибодатхонасини вайрон қилинишини қоралаб, мазкур ҳаракат – диний ва инсоний қадриятлар, шунингдек, обидалар, ибодатхоналар, барча маданий ва диний рамзларни муҳофаза этишга чорловчи халқаро нормаларга зид эканини маълум қилди деб хабар бермоқда www.muslim.uz
Шунингдек, Ияд бин Амин Маданий мазкур жиноий ишлар турли динлар вакиллари ўртасидаги ҳамжиҳатликка барҳам бериш ва асрлар оша минтақада ҳукм сурган тинчликка рахна солиш эканини таъкидлади.
ИҲТ бош котиби халқаро жамоатчиликни Сурия ва Ироқдаги диний ва маданий обидаларни асраш бўйича олиб борилаётган ҳаракатларни кучайтиришга чақириб, минтақадаги тарихий обидаларнинг вайрон этилиши, нафақат ҳудуддаги давлатлар, балки бутун ислом олами учун катта зарар бўлишини айтди.