Эридан талоқ сўраса бўладими? 14.12.2015

Ассалому алайкум. Мен эримдан талоқ сўрашим гуноҳми? Буни хоҳламайман, лекин шундай қилишга мажбурман!..

Сафар ойида ҳомиладор бўлиш мумкин эмасми? 05.12.2015

Ассалому алайкум. Сафар ойида ҳомиладор бўлиш мумкинмасми?

Ҳомилани зарурат юзасидан тушириш мумкинми? 02.12.2015

Ассалому алайкум, қори ака. Бир масалада ёрдам берсангиз, илтимос! Тўрт фарзандим бор. Бешинчи ҳомиладорлигим оғир ўтди. Охирги ойида бола ичимда нобуд бўлди. Ҳозир яна ҳомиладор эканман. Уч ҳафталик экан. Ёшим 39 да. Докторлар соғлигингиз кўтармайди, дейишяпти. Шунга, ҳомилани дорилар ёрдамида тушириш мумкинми? Ҳали юраги урмаяпти, дейишди. Шу масалада шариатда нима дейилган? Гуноҳкор бўлиб қолмайманми?

Совчи устига совчи қўйиш ҳукми қандай? 29.11.2015

Aссалому алайкум! Ечими зудлик билан топилиши керак бўлган бир масала юзасидан савол йўлламоқдаман: мен билан ишлайдиган бир қиз билан орамизда анчадан бери илиқлик бор. Бу риштани шариат ҳукмларидан узоқлашмаган ҳолда ушлаб турганмиз. Пинҳона учрашмаймиз, доим масофа сақлаймиз, гувоҳсиз ортиқча юзма-юз гаплашмаймиз. Ҳозир муносабатларимизнинг саккизинчи ойи кетмоқда. Лекин ота-оналаримиз ҳоҳишлари бир-бирига бироз мос келмаганиданми, билмадим, бошимизни қўшиб қўйиш чўзилиб кетганди. Қиз ҳам умидини узиб иложсизликданми, ё ота-онасининг раъига қарабми, бошқа бола билан учрашувга чиқди. Лекин уйдагилар рози бўлганда вазият бошқа тарафга ўзгариб қолди. У қиз боланинг совғасини ўткан ҳафта олиб бўлган экан. Ҳозир ҳам бир-биримизда кўнглимиз бор. Отам қизнинг отаси билан кеча учрашиб ўзаро узоқ суҳбат қилишди. Якунида оилаларимиз ижобий ҳулоса қилишга тайёр туришибди. Албатта, ота-оналаримиз бизларнинг бахтимизни хоҳлашмоқда. Лекин энди вазият нозик тус олганлиги сабаб бошлари қотиб қолди. Бир тарафда иккимизнинг бир-биримизга бўлган меҳримиз, иккинчи тарафда совға берган боланинг оиласи. Ҳурматли Одилхон қори ака, юқорида баён қилганларимдан келиб чиқиб динимиз тарафидан ушбу масала қандай ечим топилиши зарур? Вазият имкон қадар тезроқ ҳал қилиниши лозимлиги сабабли жавобингизни интиқлик билан кутмоқдамиз.

Никоҳга мажбурлаш мумкинми? 25.11.2015

Ассалому алайкум, қори ака! Менинг акам 24 ёшда. Ота-онам Оила қуриш вақти келган, деб холамнинг қизини акамга олиб беришмоқчи. Аммо акам бунга қарши. Бошқа қариндошлар ҳам шундан умидворлар. Ҳамма қавм-қариндошларнинг хоҳиш-истаги шу. Агар акам у қизни олмаса, онам ва холам ўрталарида дилхираликлар ҳам келиб чиқиш эҳтимоли бор. Ота-онам фарзанд учун падари бузургувори ва онасини айтгани қонун экани, уларнинг розилиги учун фарзанд барча нарсага рози бўлиши кераклигини таъкидлашмоқда. Аммо акам ҳам диндан далил келтиради ва мажбуран уйлантириш, қиз ёки йигит норози бўлса, оила қуриш ножоизлигини айтмоқда. Бу оилавий савол бўлишига қарамай, сиздан маслаҳат сўрамоқчи эдим. Ҳурматли қори ака, ота-онам розилиги учун акам кўнглига қарши чиқсинми ёки ота-онамни бу ишдан қайтарайликми? Жавоб учун олдиндан раҳмат!