Солиҳ амалларнинг ҳаммасини қилиш шартми? 15.11.2015

Ассалому алайкум. Мен Жаннатга кириш учун 30 та сабаб мақоласини ўқиб чиқдим. Мусулмон инсон 30 та амалнинг ҳаммасини бажариб, жаннатга кирадими ёки уларнинг бирортасини чин дилдан бажарса ҳам етарлими? Жавоб учун раҳмат!

Қуръонни шу қадар тез ўқиса бўладими? 13.11.2015

Ассалому алайкум! Масжидда ибодатдан сўнг домла Оятул курсийнинг бошини айтиб, кейин ичида ўқийди. Шу, фарз намози каби, ҳаммамизга кифоя қиладими? Балки ҳар биримиз ўзимиз ўқишимиз керакдир? Ундай бўлса, баьзида шошмай, тажвид билан тиловат қилгунча домла ўқиб бўлади. Шунчалик тез ўқиш мумкинми ўзи? Банда қандайдир беҳуда ёки унчалик зарур бўлмаган нарса учун соатлар вақт кетказади, аммо Қуръон лафзларини бу қадар тез такрорлаш яхши бўлмаса керак, қори ака? Нима дейсиз?

Истихора намози 08.11.2015

Ассалому алайкум! Устоз, истихора ҳақида тўлиқроқ маълумот берсангиз. Унда қандай дуолар қилиниши керак, қайси шартлар бажарилса, истихора тўғри ва мукаммал қилинган бўлади?

Ҳожат намози неча ракат ўқилади? 07.11.2015

Ассалому алайкум. Ҳожат намози икки ракат ўқилади. Ҳанафий мазҳаби уламоларига кўра, ҳожат намози хуфтон намозидан кейин тўрт ракат ўқилади. Марфу ҳадисда нақл қилинишича, биринчи ракатда Фотиҳа сураси бир марта ва Оятул курсий уч марта ўқилади. Қолган уч ракатнинг ҳар бирида Фотиҳа, Ихлос, Фалақ ва Нос суралари бир мартадан ўқилади. Ибн Обидин айтади: Машойихларимиз: Биз бу намозни ўқидик ва ҳожатларимиз раво қилинди, дейишган (Ҳошияту ибни обидин). Устоз, агар имкони бўлса, ўша фатвога далил бўлган марфу ҳадисни келтириб ўтиб, жавобнинг мана шу қисмини бизларга батафсилроқ тушунтириб берсангиз. Олдиндан раҳмат жавобингиз учун!

Нафсни тийиш учун рўза тутиш 03.11.2015

Ассалому алайкум. Бўйдоқ йигит нафсини тийиш учун жума кунидан бошқа кунларда рўза тутиши мумкинми ёки душанба ва пайшанба кунлари тутгани мақулми? Жума куни ҳам рўза тутса бўладими?