Каъба ва олтин кесишув: Нима учун намозда Каъбага юзланамиз?
Ер юзида Ислом дини ва унинг арконларининг кўплаб ҳали очилмаган сирли қирралари мавжуд. Шулардан бири – Муқаддас Каъбадир. Нима учун бутун дунё мусулмонлари ҳар куни беш вақт ибодатларида Каъба томон юзланадилар? Нима учун Каъба ва унинг атрофидаги ҳудуд Ҳарам деб номланади? Шу ва шу каби саволлар кўпчиликни қизиқтириши табиий. Бу саволларга жавоб топиш учун олимлар жуда кўп изланиш ва илмий тадқиқотлар олиб борганлар ва олиб бормоқдалар.
Қуръондаги илмий далиллар билан шуғулланувчи олима Залула Нажжара Расулуллоҳ саллоллоҳу алайҳи васалламнинг қуйидаги ҳадисларига эътибор қаратди. “Макка сувдаги кичкина қуруқ ер бўлаги эди ва дунёдаги қуруқлик шу ердан бошланган.”
Миср география фанлари доктори, Қоҳира университети профессори Ҳусайн Камолиддин ўз изланишлари натижасида, ҳақиқатдан ҳам бутун ер юзи сувдан иборат бўлган даврда Макка ягона қуруқ ер бўлган ва қолган қуруқликлар ўша ердан тарқалганини маълум қилди. Изланишлари давомида яна маълум бўлдики, Макканинг Каъба жойлашган ҳудудида Ернинг магнит маркази жойлашган экан. Олимнинг таъкидлашича, Ердаги барча магнит қутблар вақт ўтиши билан ўз жойини ўзгартиради, фақатгина Каъбадаги магнит маркази ҳеч қачон ўзгармайди. Шунинг учун Ернинг исталган нуқтасидан туриб Каъбани топиш қийин эмас. Дунёнинг исталган жойидан қарасангиз ҳам Макка йўналишидаги магнит тўлқинлари ўзгармас ҳолатда Каъбага ишора қилади.
Яна олим шуни ҳам айтиб ўтдики, Ернинг ҳақиқий магнит меридиани халқаро ўлчамларга кўра белгиланган Гринвич шаҳри (Англия)дан эмас, айнан Маккадан ўтар экан. Чунки, Гринвич меридиани магнит қутбларнинг ўрин алмаштириши оқибатида силжиб борар экан, Каъбадан ўтган меридиан эса у ердаги магнит қутбларнинг ўзгармаслиги сабаб муқим бир жойда туради ва шу сабаб Ернинг магнит ўқи айнан муқаддас даргоҳ орқали ўтар экан.
