Жинлар ҳақида нималар биламиз?

    Жинлар ҳам худди инсонлар каби ақл ва ихтиёрга эгадирлар. Улар ўз хатти-ҳаракатларини онгли равишда амалга оширадилар, оила қурадилар, зурриёт орттирадилар, маълум эмоция ва ҳисстётларга эгадирлар. Бу ҳақда Аллоҳ таоло Қуръони каримда шундай марҳамат қилади:
    “Жаҳаннам учун жинлар ва инсонларнинг кўпчилигини яратганмиз. Уларда қалблар бор, (лекин)” улар билан англамайдилар. Уларда кўзлар бор, (лекин) улар билан кўрмайдилар. Уларда қулоқлар бор, (лекин) улар билан эшитмайдилар”.
    Уларнинг орасида худди одамлар орасида бўлгани каби Аллоҳга ишонадиганлар ва ишонмайдиганлар мавжуд. Аллоҳга имон келтирмаган жинлар баъзида инсонларга зарар етказишлари, уларни қўрқитишлари ва ҳақиқат йўлидан адаштиришлари мумкин. Яратилиш табиатига кўра улар инсонлар кўзига кўринмайдилар ва биз билан ёнма-ён ўрнашиб яшайверадилар.
    Ҳадиси шарифлардан маълум бўлишича, жинлар ҳаммомлар, ахлатхоналар, ташландиқ уйлар ва бошқа нопок жойларда яшашни хуш кўришади. Шу сабабдан ҳам ислом динида тозалик ва гигиенага алоҳида урғу берилади.
     Инсонлардан кўра анча узоқ яшовчи ривоят ва ҳикоялардан шуни хулоса қилиш мумкинки, жинлар одамлар сўзлашадиган барча тилларни билишади. Яна Аллоҳ билгувчидир.


Умида Қодирова
“Ziyo” студияси муҳаррири

@ziyostudiyasi