Англия консерватив партияси Жонсоннинг муслималар ҳақидаги ҳақорати бўйича тергов олиб бормоқда
Буюк Британия консерватив партияси мазкур партиянинг аъзоси ва собиқ ташқи ишлар вазири Борис Жонсоннинг муслима аёлларга нисбатан ҳақорати устидан тергов-суришитирув ишларини олиб бормоқда.
Эслатиб ўтамиз, асосий шов-шув Жонсоннинг The Daily Telegraph газетасида эълон қилган мақоласи оқибатида юзага келган эди. Бунда у муслималарга ниқоб ва паранжини таъқиқлашга қарши эканини билдирган ва шу билан бирга уларни “почта қутиси” ва “ банк ўғрилари”га қиёслаган эди. Бунинг оқибатида консерватив партия кўплаб норозиликлар ва танқидлар остида қолиб кетди.
Islam-today сайтининг хабар беришича, эндиликда партия аъзолари ўз ҳамкасбларининг мазкур изоҳ билан “ахлоқ кодекси”ни бузган ёки йўқлигини аниқлаш устида ҳаракат қилмоқдалар.