Қрим масжидларида ёш болалар учун ёзги майдончалар ташкил этилади
Ёзги мактаб таътили вақтида Қрим масжидларида болалар учун ёзги майдончалар ташкиллаштирилади. Бу ҳақда Islam.ru хабар тарқатди.
Маълумотларга кўра, Боғурча-Симферополь кичик туманида жойлашган масжиддаги майдонча 16 июлдан 30 июлга қадар ишлайди.
Малореченское қишлоғида жойлашган масжидда эса 2 август кунидан бошлаб майдончалар очилади ва 20 августга қадар болалар ихтиёрида бўлади.
Симферополь туманида майдонча 16 июль куни очилади ва унга 6 ёшдан 15 ёшгача бўлган болалар қабул қилинади.
Майдонча дастурига кўра, душанба, сешанба, чоршанба ва пайшанба кунлари соат 09.00 дан 12.00 га қадар Ислом асослари ва Қуръон ўқиш дарслари ўтилади.
Манба: azon.uz