Варш қироатида тиловат қилган имом тақдирланди
11.11.2015 3866
Ўзбекистон мусулмонлари идорасида жорий йил 3 ноябрь куни ўтказилган “Йил имоми – 2015” кўрик танловининг республика босқичида Самарқанд шаҳар “Хўжа Абду Дарун” жоме масжиди имом ноиби Қамариддин Баҳриев фахрли иккинчи ўринни эгаллагани ҳақида хабар қилган эдик.
Мазкур танловда Қамариддин Баҳриев Бақара сурасининг 6-9 оятларини Варш қироатида тиловат қилиб бериб, танлов ҳайъат аъзолари ва иштирокчиларида катта таассурот уйғотди. Ҳайъат аъзоларининг Варш қироати қоидалари ҳақида берган саволларига Қамариддин Баҳриев батафсил жавоб бериб ўтди.
Таъкидлаш лозим, Аллоҳ таолонинг Каломини меҳр билан тинглаш ва унга муҳаббат қўйиш халқимизнинг ўзига хос фазилатларидандир.
