“Ўзбекистон – диний маърифат ва қадриятлар юрти” мавзуидаги матбуот анжумани ўтказилди
Жорий йилнинг 14 апрель куни Ўзбекистон мусулмонлари идорасида Дин ишлари бўйича қўмита томонидан диний соҳасида юртимизда амалга оширилаётган ислоҳотларга бағишланган “Ўзбекистон – диний маърифат ва қадриятлар юрти” мавзусида матбуот анжумани бўлиб ўтди.
Ушбу тадбирда Ўзбекистон мусулмонлари идораси, Ўзбекистондаги ислом цивилизацияси маркази, Ўзбекистон ислом академияси, Имом Бухорий халқаро илмий-тадқиқот маркази, Имом Термизий халқаро илмий-тадқиқот маркази, илмий мактаблар раҳбар ходимлари, имом-хатиблар ва оммавий ахборот воситалари вакиллари иштирок этди.
Анжуманда юртимизда диний соҳада олиб борилаётган ислоҳотлар, шунингдек, диний таълим йўналишида амалга оширилаётган ишлар, уларнинг аҳамияти юзасидан маълумотлар берилди. Тадбир маърузачилари бугунги кунда халқимизнинг диний саводхонлигини юксалтириш, соф Ислом таърғиботини кучайтириш, диний таълим йўналишидаги ислоҳатларнинг бугунги ҳолати ва ривожлантириш истиқболлари, шунингдек, ёшларни илм-маърифатли, диёнатли инсон этиб тарбиялаш борасида олиб борилаётган ишлар ҳақида фикр билдирдилар.