"Тошкент шаҳри имомлари" жамоаси финал йўлланмасини қўлга киритди
Аввалда хабар берилганидек, Ўзбекистон мусулмонлари идораси тизимидаги футбол жамоалари ўртасидаги муособақанинг ярим финал учрашувлари бўлиб ўтди. Гуруҳ баҳсларидан муваффақиятли ўтиб ярим финалга йўл олган "Тошкент вилояти имомлари","Ўзбекистон мусулмонлари идораси", “Мовароуннахр” нашриёти ҳамда "Тошкент шаҳар имомлари" жамолари финал йўлланмаси учун шиддаткор баҳс олиб бордилар.
Дастлабки ярим финал учрашуви "Тошкент вилояти имомлари" ва"Ўзбекистон мусулмонлари идораси" жамоалари ўртасида ўтказилиб, "Тошкент вилояти имомлари" 4:3 ҳисобида рақибларидан устун келган бўлсалар, иккинчи ярим финал баҳсида “Мовароуннахр” нашриёти ҳамда "Тошкент шаҳар имомлари" жамоалри ўзаро тўқнаш келдилар. Яқин ўтмишимизнинг таниқли футболчиси, футбол бўйича Ўзбекистон миллий чемпионатининг бир мавсумдаги тўпарарлар бўйича рекордчиси Жаъфар Ирисметов мураббийлиги остида майдонга тушган "Тошкент шаҳар имомлари" жамоаси рақибларига ҳеч қандай имконият қолдирмаган ҳолда 7:2 ҳисобида зафар қучиб, мусобақа финалига йўл олдилар.
18 март (Жума) куни мусобақанинг финал беллашувида "Тошкент шаҳар имомлари" ва "Тошкент вилояти имомлари" жамоалари ғолиблик учун майдонга чиқадилар.