ТИНЧЛИК ВА БАРҚАРОРЛИК – БУЮК НЕЪМАТ
2015 йил 11 август куни Наманган шаҳри, Чортоқ ва Учқўрғон туманларида Ўзбекистон Республикаси Вазирлар Маҳкамасининг “Ақидапарастлик ва миссионерликка қарши кураш, конфессиялар ва миллатлараро тотувликни мустаҳкамлаш бўйича Дастур ва унинг бажариш механизми”нинг ижроси доирасида ҳамда мустақилликнинг йигирма тўрт йиллиги арафасида жойларда маънавий-маърифий ишларни кучайтириш мақсадида ҳудуддаги барча ҚФЙ, МФЙ раислари, маслаҳатчилар, ўқув муассасаларининг маънавий-маърифий ишлар бўйича ўринбосарлари, турли ижтимоий қатламга мансуб аёллар ва оддий фуқаролар иштирокида “Тинчлик ва барқарорлик – буюк неъмат” мавзусида йиғилишлар ўтказилди деб хабар бермоқда www.muslim.uz
Наманган шаҳридаги қурилиш ва дизайн коллежи ва Наманган Агротадбиркорлик коллежида бўлиб ўтган йиғилишда Тошкент ислом институти кафедра мудири Ж.Хамроқулов ва Наманган вилояти бош имом-хатиби А.Турсуновлар иштирок этиб, нутқ сўзладилар.
Шунингдек, Чортоқ туманидаги 14 сонли мусиқа ва санъат мактабида ҳамда Учқўрғон тумани Қўғай ҚФЙ ҳудудидаги маданият ва аҳоли дам олиш масканида бўлиб ўтган йиғилишларда Дин ишлари бўйича қўмита Экспертиза бўлими ходими Б.Даминов ва Чортоқ тумани бош имом-хатиби А.Фозиловлар иштирок этиб, маъруза қилдилар.