РОССИЯЛИК ДИН ПЕШВОЛАРИ ЮРТИМИЗ МЕҲМОНИ
2015 йил 12 ноябрь куни Россия Федерациясининг Свердловск вилояти мусулмонлари идораси раиси, муфтий Абдул-Қуддус Ашарин жаноблари бошчилигидаги делегация юртимизга ташриф буюрди.
Меҳмонларни Тошкент халқаро аэропортида Дин ишлари бўйича қўмита ва Ўзбекистон мусулмонлари идораси масъуллари кутиб олишди.
Шу куни меҳмонлар Тошкент шаҳридаги “Шайх Зайниддин” ва “Минор” жоме масжидларини зиёрат қилишди. Тошкент шаҳар бош имом-хатиби Анвар қори Турсунов мамлакатимизда масжиду мадрасалар обод этилаётгани, хусусан, Юртбошимиз ташаббуслари билан пойтахтимизда “Минор” жоме масжиди қурилгани, уни миллий ва замонавий меъморчилик анъаналарига уйғун ҳолда барпо этилганини таъкидлади.
Шунингдек, масжидга ибодат қилиш учун келган мўмин-мусулмонлар жуда мамнун экани ва тинчлик-осойишталикни сўраб, дуо қилишаётганини билдирди.
Меҳмонлар ташриф давомида мамлакатимизнинг табаррук жойларини зиёрат қилиши режалаштирилган.
www.muslim.uz
