Ўзбекистонлик имомларнинг Россияга сафари ниҳоясига етди
Хабарингиз бор, Россия федерацияси Свердловск вилояти муфтийси Абдул-Қуддус (Николай) Ашарин таклифига кўра, 2-7 октябрь кунлари Ўзбекистон мусулмонлари идораси делегацияси Екатеринбург шаҳрида сафарда бўлди. Ўзбекистонлик имомлар (Иброҳим Иномов, Жасур Раупов, Одилхон Исмоилов, Бахром Отажонов) ташриф режасидан ўрин олган барча тадбирлар ва мулоқотларда фаол иштирок этди.
Ташриф якунида Россия федерацияси Свердловск вилояти муфтиёти томонидан тадбирлардаги муносиб иштироки ва самарали ҳамкорлик учун Ўзбекистон раҳбарияти ва Муфтиётига, шунингдек, делегация аъзоларига чуқур миннатдорик билдирилди. “Умид қиламизки, келгусида ўзаро алоқалар янада ривожланиб, муносабатларимиз мустаҳкамланиб бораверади”, дейди Свердловск вилояти муфтийси Абдул-Қуддус (Николай) Ашарин ҳазратлари.
Ўзбекистон мусулмонлари идораси делегацияси юртимизга қайтиб келди.
"Шайх Зайниддин" жоме масжиди матбуот хизмати
