ЎЗБЕКИСТОН МУСУЛМОНЛАРИ ИДОРАСИ УЛАМОЛАР КЕНГАШИНИНГ КЕНГАЙТИРИЛГАН МАЖЛИСИ
Декабрь ойининг 23 куни Ўзбекистон мусулмонлари идораси Уламолар Кенгашининг кенгайтирилган мажлиси бўлиб ўтди.
Мажлисда бир қанча муҳим масалалар атрофлича муҳокама қилинди.Ўзбекистон мусулмонлари идораси раиси, муфтий Усмонхон Алимовнинг диний идора томонидан 2015 йил – “Кексаларни эъзозлаш йили”да қилинган ишлар юзасидан ҳисобот берди.
Шунингдек, йиғилишда Ўзбекистон Республикаси Президенти Девонининг миллатлараро муносабатлар ва дин ишлари бўйича йўналиш раҳбари Музаффар Аҳмаджонов, Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита раиси Ортиқбек Юсупов, Ўзбекистон мусулмонлари идораси раиси ўринбосари Абдулазиз Мансуров диний соҳа ходимлари фаолиятининг самарадорлигини янада ошириш, диний идораси фаолиятини такомиллаштириш, уламолар ва имом-хатиблар олдида турган вазифалар ҳақида нутқ сўзлади, фикр-мулоҳазалар билдирдилар.
Ҳадиси шарифда тинчлик-хотиржамлик энг улуғ неъмат эканлиги айтилган. Зеро, тинчлик қарор топган юртдагина осудалик ҳукм суради, режа қилинган ишлар, олдимизга қўйилган вазифалар амалга ошади. Уламоларимизнинг, диний соҳа вакилларининг, имом-хатибларнинг ижтимоий барқарорликни янада мустаҳкамлаш, муқаддас динимизнинг софлигини асрашга қаратилган барча хатти-ҳаракатлари эътироф этилди, келгуси йилда қилинажак ишлар белгилаб олинди.
Ўзбекистон мусулмонлари идораси матбуот хизмати
