Одилхон қори Исмоилов минг кишилик гуруҳ раҳбари сифатида ҳаж ибодатини амалга оширади

    Хабарингиз бор, 24 август куни Ўзбекистонлик зиёратчиларнинг 470 кишидан иборат дастлабки гуруҳлари ҳаж ибодатларини адо этиш учун Тошкент-Мадина йўналиши бўйича Саудия Арабистони Подшоҳлигига учиб кетди. Эътиборлиси шундаки, улар орасида Тошкент шаҳар Шайхонторҳур тумани бош имом-хатиби, Шайх Зайниддин жоме масжиди имом-хатиби Одилхон қори Исмоилов ҳам бор.  
    Имом-хатиб минг кишилик зиёратчилар гуруҳи раҳбари (мингбоши) сифатида юртдошларимизнинг ҳаж амалларини тартибли ва кўнгилдагидек ўтишига масъул саналади. Шу боис, Одилхон қори Исмоиловга ана шундай масъулиятли ва шарафли вазифаларида куч-қувват ва сабр-тоқат тилаймиз!
      Барча юртдошларимизга муқаддас ҳаж амалларини чиройли адо этиб, эсон-омон Она Ватанимизга қайтиш насиб этсин!

Шайх Зайниддин жоме масжиди Матбуот хизмати