Мусулмон йигит 6 нафар болани офатдан асраб қолди
Интернетда болаларни сув балосидан асраб қолган йигит ҳақидаги видео фойдаланувчиларнинг муҳокамаларга сабаб бўлмоқда.
“Иорданиялик мусулмон йигит олти нафар болани қутқариб қолиб, қаҳрамонга айланди ва ҳозирда одамлар уни “аквамен” деб аташмоқда”, деб ёзади ИсламНьюс. Ракан Ктейшат (Rakan Qteishat) исмли бу йигит ўз ҳаётини хавф-хатарга қўйиб, сувга тўлган ертўлага киради ва у ердаги болаларни қутқаради.
Видеороликда бино оинасидан шовуллаб тушаётган сув, деразанинг темир панжараларини арралашга уринаётган йигитлар ва бино ичида қолиб кетган одамларни кўриш мумкин. Бир неча муддатлик уринишлардан сўнг, панжара олиб ташланди ва одамлар қутқарилди.
Ракан Ктейшатнинг айтишича, ертўлага кираётганда ўз ҳаёти ҳақида ўйлашга фурсат ҳам бўлмаган. “Хаёлим сув остида қолаётган болаларни қутқаришда эди. Ҳатто улар орасида бир ёшлик гўдак ҳам бор эди”, дейди қаҳрамон йигит.
(Видеороликни ушбу манбада кўришингиз мумкин: https://www.youtube.com/watch?v=ElgZxU8Jb6s )