Муфтий Усмонхон Алимов “Хонобод” да
14.5.2016 4192
Жорий йилнинг 13 май куни – Ҳажжул масакин – муборак жума муносабати билан Ўзбекистон мусулмонлари идораси раиси, муфтий Усмонхон Алимов Тошкент вилояти, Оҳангарон туманидаги “Хонобод” масжидига ташриф буюрдилар.
Ҳазрат жомени кўздан кечирар эканлар, кенг хонақоҳ, шинам ҳовли ва таҳоратхонадаги шароитдан мамнун бўлдилар. Шунингдек, қавмнинг эмин-эркин ибодат қилиши учун янада қулайроқ муҳит ташкил қилиш борасида масжид имом-хатиби Бойниёзов Ҳусниддинга ўз маслаҳатларини бердилар.
Намозхонларга “Оила – муборак қўрғон” мавзусида кенг ва қамровли маъруза қилиб, жума намозини ўқиб бердилар. Аллоҳ таолодан элимиз тинчлиги ва фаровонлигини сўраб дуои-хайрлар қилдилар.
