Москвадаги янги жоме масжидининг очилиш маросимида мамлакатимиздан делегатлар иштирок этишди.
Россия Федерацияси пойтахтининг “Проспект мира” даҳасида янгидан бунёд этилган “Москва” Жомеъ масжидининг тантанали очилиш маросими ўтказилди. Масжиднинг тантанали очилиш маросимида Россия Федерацияси муфтийлар кенгашининг раиси, Россия мусулмонлари диний идораси раиси, муфтий шайх Равил Гайнутдин таклифига биноан Вазирлар Маҳкамаси ҳузуридаги Дин ишлари бўйича қўмита Масжидлар бўлими бошлиғи М.Б. Йўлдошев ва Ўзбекистон мусулмонлари идораси Матбуот котиби Ж. Нуриддинов иштирок этишди.
Янгидан бунёд этилган масжид фашизм устидан қозонилган Ғалабанинг 70 йиллигига ҳамда 111 йил аввал қурилган масжиднинг янгиланган Жомеъ масжиди – Россиянинг Бош масжиди ўзининг эшикларини пойтахт мусулмонлари ва меҳмонлари учун очди.
Масжиднинг тантанали очилиш маросимида РФ президенти В. В. Путин ҳамда Туркия президенти Р.Т. Эрдоган ва Паластин лидери Маҳмуд Аббос иштирок этишди ва нутқ сўзлашди.
"Бу тарихий воқеа, деди ўз сўзида шайх Равил Гайнутдин, турли маданиятлар ва халқларнинг ўзаро манфаатдор қўшничилик алоқаларининг ривожланишига, тинчликнинг мустаҳкамланишига замин ҳозирлайди”,- деб таъкидлади. "Россия – деди у, - Евросиё ҳудудидаги барча маданиятлар ва турли динлар вориси ва давомчисидир".
Қайта таъмирланган масжид майдони 20 баробар кенгайиб, 19 минг кв. метрга етди ва Европада энг катта жомеъ масжидга айланди.
Масжиднинг очилиши дастлаб 2016 йил май ойига режаланган эди. Лекин реконструкция ишлари тезлатилиб, уни Буюк Ғалабанинг 70 йиллигига очишга қарор қилинди.
Эндиликда масжидга бир вақтнинг ўзида 10 минг мусулмон сиғадиган бўлди. Шунингдек, таҳоратхона, хизмат хоналари замонавий техника ютуқларининг охирги намуналари, синхрон таржима ускуналари билан жиҳозланган мажлислар зали жиҳозланди. Бундан ташқари еттита тезюрар лифт, трансляция учун монитор экранлари, замонавий ҳаво тозалатгичлар, кондиционерлар ўрнатилган.
Масжид лавҳасини тантанали равишда Путин ва Гайнутдин очдилар.
Сўнгра Фаластин, Туркия ва Россия давлат раҳбарлари масжид билан танишдилар. Қуръони карим тиловат қилинди.
Ўзбекистон мусулмонлари идораси Матбуот хизмати
