Кўкалдошда қорилар кўрик танловининг 1-босқичи бўлиб ўтди
16 декабрь куни “Кўкалдош” ўрта махсус ислом билим юртида иқтидорли талабаларни аниқлаш, қўллаб-қувватлаш, улардаги ноёб фазилатларни янада ривожлантириш мақсадида талабалар орасида “Қорилар кўрик танлови”нинг биринчи босқичи ўтказилди.
Кўрик танловни бошланишида 4-курс талабаси Эшонов Маҳмуджон Қуръони карим тиловат қилди. Мусобақа иштирокчиларини баҳолаб бориш мақсадида билим юрти буйруғи асосида етти кишидан иборат ҳакамлар ҳайъати таркиби тузилди.
Мусобақани билим юрти мудири З.Мирсадиқов кириш сўзи билан очиб берди. Ўқитувчи А.Супиев Қуръони каримнинг фазилати тўғрисида маъруза қилиб берди.
Мусобақа икки йўналишда ўтказилди: мужаввидлик ва мураттаблик. Мураттаблик йўналиши бўйича Қуръони каримни тўлиқ ёд олган 1-курс талабаси Камолов Абдулбасир биринчи, 3-курс талабаси Абдумаликов Низомиддин иккинчи, 3-курс талабаси Холмирзаев Убайдулло учинчи ўринни эгаллади.
Мужаввидлик йўналиши бўйича 13 нафар талаба иштирок этди. Тажвид қоидаларига тўлиқ риоя қилган ҳолда тиловат қилган 4-курс талабаси Сулаймонов Абдулҳафиз биринчи, 1-курс талабаси Ҳамидов Асрорхон иккинчи, 4-курс талабаси Қосимов Акромхон учинчи ўринни эллади.
Ғолиблар совринлар билан тақдирланди, “Қорилар мусобақаси”нинг Республика босқичига йўлланма олди.
