КИТОБ – ЗИЁ ЧАШМАСИ
Ўзбекистон мусулмонлари идораси тасарруфидаги “Жўйбори Калон“ аёл-қизлар ўрта махсус ислом билим юртида “Ҳадис фан ойлиги” ниҳоятда қизиқарли ўтмоқда.
Турли хил кеча ва тадбирлар ўтказилиб, талабаларнинг Пайғамбаримиз Муҳаммад (соллаллоҳу алайҳи ва саллам)га бўлган муҳаббатларини ошириш, у зотнинг суннатларини бажаришда бардавом бўлишга чақириш, ҳадис илмига бўлган қизиқишларини янада кучайтиришга ҳаракат қилинмоқда. Жумладан, фан ойлигининг дастлабки кунларида ҳадис фанига оид китоблар тақдимоти ўтказилди.
Тақдимотда билим юртининг барча талабалари иштирок этишди.
Талабалар учун 2015 йил 11 ноябрь куни ташкил қилинган ушбу тақдимотда фан ўқитувчилари иштирокчиларга китобларнинг афзаллик томонларини очиб берибгина қолмай, талабаларнинг диний саводхонлигини ошириш, ихтилоф ва фирқачиликка барҳам бериш, бидъат-хурофотларни йўқотиш йўлида ҳадис ва суннатнинг нақадар аҳамиятли эканлигини таъкидлаб ўтдилар.
Талабалар билим юрти ахборот ресурс марказида бўлган “Ҳадис ва ҳаёт” бўлимидаги китобларни янада изчилроқ ўрганиши ва ўзларини қизиқтирган барча маълумотларни олишлари мумкин.
Гулнора БАФОЕВА,
“Жўйбори Калон“ аёл-қизлар ўрта махсус ислом билим юрти ўқитувчиси
www.muslim.uz