Хадичаи Куброда ўзбек тилига бағишланган тадбир бўлиб ўтди
Хадичаи Кубро аёл-қизлар ўрта махсус ислом билим юртида “Она тили – миллат руҳи” мавзусида байрам тадбири бўлиб ўтди. Тадбирда талабалар ўзбек тилига давлат тили мақоми берилиши, тилга зид шевалар, иборалар, чет эл сўзларини қўшиб гапириш каби долзарб мавзуларда маърузалар, саҳна кўринишлари қилишди.
Талабалар Омилхонова Нодирбегим, Абдураҳмонова Моҳинур ўзбек шеърияти олтин дурдоналаридан гўзал намуналар ўқишди. Бундан ташқари, тилга оид ҳадислар, ибратли сўзлар ва ибораларни талаба қизлар кетма-кетликда келтириб, она тилимизнинг нақадар сержило, маънодор ва гўзал эканини йиғилганларга яна бир карра намойиш этишди.