Финал беллашуви олдидан
Хабар қилинганидек, Ўзбекистон мусулмонлари идораси тизимидаги футбол жамоалари ўртасидаги муособақанинг финал учрашувига қизғин ҳозирлик кўраётган "Тошкент шаҳар имомлари" жамоаси бугун 17 март куни Ўзбекистон мусулмонлари идораси Тошкент шаҳар вакиллигида Тошкент шаҳар бош имом-хатиби Анвар қори Турсунов қабулида бўлдилар. Анвар қори Турсунов жамоани ушбу босқичга қадар етиб келганлиги билан муборакбод этиб, эртанги ҳал қилувчи баҳс олдидан зафар ёр бўлишини тилаб оқ фотиҳа берди. Шундан сўнг жамоа аъзоларига янги спорт формалари топширилди. Имом-хатибларимиз ўзларига билдирилаётган бу юксак ишончни бор имкониятларини сафарбар этиб ғалаба билан оқлашга ҳаракат қилишларини мамнуният билан билдирдилар.
Эслатиб ўтамиз 18 март куни аввал "Ўзбекистон мусулмонлари идораси" ва “Мовароуннаҳр” жамоалари ўртасида 3-ўрин учун баҳс кетади. Сўнг "Тошкент шаҳар имомлари" – "Тошкент вилояти имомлари" жамоалари ўртасидаги ўзаро беллашув натижаси ғолиб жамоани белгилаб беради.
