БУХОРО ВИЛОЯТИ ВАКИЛЛИГИДА ЙИҒИЛИШ БЎЛИБ ЎТДИ
17.10.2015 3675
Ўзбекистон мусулмонлари идораси Бухоро вилояти вакиллигида 2015 йилнинг 8 октябрида Бухоро шаҳар ҳамда туман бош имом хатиблари билан навбатдаги йиғилиш бўлиб ўтди. Йиғилиш раиси, ЎМИнинг вилоятдаги вакили М.Нуруллаев сўзга чиқиб, 2015 йилнинг 9 ой давомида амалга оширилган ишлар тўғрисида маълумот бериб ўтди.
Тадбирда Бухоро вакилининг ўринбосари О.Авезов ҳамда вакиллик мухтасиби Б.Шодиевлар маъруза қилдилар. Улар келгусида амалга ошириладиган чора-тадбирлар ва масжид имом-хатиблар олдида турган вазифалар хусусида сўз юритишди.
Йиғилиш раиси М.Нуруллаев мажлис якунида барча имом – хатиблар ўз соҳаларини янада мустаҳкамлаши учун илмларини кўпайтиришлари, олган билимларини ҳаётга татбиқ этиш лозимлигини таъкидлаб ўтди.
